ICT News

Monday, 11 January 2021 14:49

Samsung ၏ နောက်ဆုံးထုတ် Galaxy A12 နှင့် Galaxy A02s စမတ်ဖုန်းအသစ်များ မြန်မာနိုင်ငံ ဈေးကွက်တွင် စတင်ရောင်းချ

Samsung Electronics Co., Ltd. သည် ၎င်း၏ နောက်ဆုံးပေါ် Galaxy A စီးရီးအဖွဲ့ဝင် Galaxy A12 နှင့် Galaxy A02s စမတ်ဖုန်းများအား မြန်မာနိုင်ငံဈေးကွက်တွင် ဇန်နဝါရီလ (၁၁) ရက်တွင် စတင်မိတ်ဆက်ခဲ့သည်။ ကြာရှည်ခံ ဘက်ထရီ၊ ကြီးမားကျယ်ပြန့်သော မျက်နှာပြင်နှင့် စွမ်းဆောင်ရည်မြင့် ကင်မရာများ အပါအဝင် အဆင့်မြှင့်တင်ထားသော လုပ်ဆောင်ချက်များအား ထည့်သွင်းပေးထားသော စမတ်ဖုန်းများ ဖြစ်သည်။  ယခုမိတ်ဆက်ပေးခဲ့သော စမတ်ဖုန်းများတွင် ကြီးမားကျယ်ပြန့်သော မျက်နှာပြင်များ၊ အချိန်နှင့်စက္ကန့်အမျှ အခိုက်အတန့်များကို မလွတ်တမ်း ဖမ်းယူရိုက်ကူးနိုင်မည့် စွမ်းရည်မြင့်ကင်မရာများအပြင် တစ်နေ့တာလုံး အသုံးပြုနိုင်မည့် တာရှည်ခံ ဘက်ထရီများအား ထည့်သွင်းပေးထားသည်။ “Galaxy A Series မိသားစုဝင် စမတ်ဖုန်းတွေရဲ့ အစဉ်အလာအတိုင်းပဲ အခုမိတ်ဆက်ပေးခဲ့တဲ့ Galaxy A12 နဲ့ Galaxy A02s စမတ်ဖုန်း ၂ မျိုးလုံးကနေတဆင့် သုံးစွဲသူတွေအတွက် အံ့အားသင့်ဖွယ်ရာ တီထွင်ဆန်းသစ်မှု အရှိဆုံး လုပ်ဆောင်ချက် တွေကို သင့်တင့်မျှတမှု အရှိဆုံးနှုန်းထားတွေနဲ့ ပေးအပ်သွားနိုင်ဖို့ ကျွန်တော်တို့ ဆောင်ရွက်ထားပါတယ်။ ဖျော်ဖြေရေးအသားပေး စမတ်ဖုန်းတွေ ဖြစ်တာနဲ့အညီ စမတ်ဖုန်း ၂ မျိုးလုံးမှာ ကြီးမားကျယ်ပြန့်တဲ့ မျက်နှာပြင်နဲ့ ကြာရှည်ခံ ဘက်ထရီတွေကို ထည့်သွင်းပေးထားတဲ့အတွက် ဗီဒီယိုနဲ့ ဖျော်ဖြေရေး အစီအစဉ်တွေကို ကြည့်ရှုရာမှာဖြစ်စေ၊ ဂိမ်းကစားရာမှာဖြစ်စေ နာရီပေါင်းများစွာ ကြာမြင့်စွာ အနှောင့်အယှက်မရှိ လုပ်ဆောင်သွားနိုင်မှာ ဖြစ်ပါတယ်” ဟု Samsung Myanmar ၏ Head of Business Group ဖြစ်သူ ကိုဇာနည်ဝင်းထက်မှ ပြောကြားခဲ့သည်။ ဆက်လက်၍ ”ဒါ့အပြင် အနီးကပ်ပုံရိပ်တွေနဲ့ ရှုခင်းပုံရိပ်တွေကို ရိုက်ကူးတာပဲ ဖြစ်ဖြစ်၊ bokeh effects ကို အသုံးပြုပြီး လှပကျော့ရှင်းတဲ့ ပုံရိပ်တွေကို ရိုက်ကူးတာပဲ ဖြစ်ဖြစ် အချိန်နဲ့ တစ်ပြေးညီ အခိုက်အတန့်တွေကို လက်မလွတ်တမ်း ရိုက်ကူးဖမ်းယူ နိုင်ဖို့အတွက် Galaxy A12 နဲ့ Galaxy A02s စမတ်ဖုန်းတွေမှာ စွမ်းဆောင်ရည်မြင့် ကင်မရာတွေကိုလည်း ထည့်သွင်းပေး ထားပါတယ်” ဟု ကိုဇာနည်ဝင်းထက်မှ ဖြည့်စွက်ပြောကြားခဲ့သည်။   ကြီးမားကျယ်ပြန့်သော မျက်နှာပြင်နှင့် ကြာရှည်ခံ ဘက်ထရီ သုံးစွဲသူများအနေနှင့် ဂိမ်းကစားရာတွင်ဖြစ်စေ၊ အကြိုက်နှစ်သက်ဆုံး တီဗီအစီအစဉ်များအား ကြည့်ရှုရာတွင်ဖြစ်စေ၊ Galaxy A12 နှင့် Galaxy A02s စမတ်ဖုန်းများ၏ ကြီးမားကျယ်ပြန့်သော 6.5” HD+ Infinity-V မျက်နှာပြင်မှတဆင့် ကြည်လင်ပြတ်သားသော ပုံရိပ်များအား စိတ်ကျေနပ်မှုအပြည့်ဖြင့် ကြည့်ရှုခံစားနိုင်မည် ဖြစ်သည်။ ထို့အပြင် Galaxy A12 စမတ်ဖုန်းတွင် စွမ်းဆောင်ရည်မြင့် Dolby Atmos® အသံစနစ်အား ထည့်သွင်းပေးထားသည့် အတွက် ဂိမ်းကစား ရာတွင် ဖြစ်စေ၊ ဗီဒီယိုများ ကြည့်ရှုရာတွင် ဖြစ်စေ အကောင်းမွန်ဆုံးသော အသံထွက် အရည်အသွေးကို ခံစား ရရှိနိုင်မည် ဖြစ်သည်။ ထို့အပြင် Galaxy A12 နှင့် Galaxy A02s စမတ်ဖုန်း ၂ မျိုးလုံးတွင် ကြာရှည်ခံမှု အပြည့်အဝ ရှိစေမည့် 5,000 mAh ဘက်ထရီအား ထည့်သွင်းပေးထားသည့်အတွက် အကြိုက်နှစ်သက်ဆုံးသော ဖျော်ဖြေရေး အစီအစဉ်များအား တစ်စုံတစ်ရာ စိတ်ပူပန်စရာ မလိုပဲ ကြည့်ရှုခံစားသွားနိုင်မည် ဖြစ်သည်။ အမှတ်တရအခိုက်အတန့်များအား အရည်အသွေးမြင့်ပုံရိပ်များအဖြစ် ရိုက်ကူးသိမ်းဆည်း ထားလိုက်ပါ ထိုအပြင် Galaxy A12 နှင့် A02s စမတ်ဖုန်းများတွင် ယခင်ထက်ပိုမို ကြည်လင်ပြတ်သားမှုရှိသော အရည်အသွေးမြင့် ပုံရိပ်များအား အလွယ်တကူ ရိုက်ကူးသွားနိုင်မည့် ကင်မရာ လုပ်ဆောင်ချက်များစွာကိုလည်း ထည့်သွင်းပေးထားသည်။ Galaxy A12 စမတ်ဖုန်း၏ကျောဘက်တွင် အဆင့်မြင့် လုပ်ဆောင်ချက်များ ပါဝင်သည့် Main camera၊ Ultra Wide camera၊ Depth camera နှင့် Macro camera ကင်မရာလေးလုံးအား ထည့်သွင်း‌ပေးထားသည်။ စမတ်ဖုန်း၏ 48-megapixel အဓိကကင်မရာသည် နေ့ညအချိန်အခါမရွေး အရောင်အသွေး ညီမျှသော အဆင့်မြင့်ပုံရိပ်များကို ဖမ်းယူနိုင်ရန် အဓိကလုပ်ဆောင်ပေးကာ မျက်ဝန်းအဆုံး မြင်တွေ့နေရသည့် အဝေးမှ အရာဝတ္ထုပုံရိပ်များကို ခလုတ်တစ်ချက်နှိပ်ရုံနှင့် အပြည့်အဝ ရိုက်ကူးနိုင်စေရန်အတွက် စမတ်ဖုန်း၏ 5-megapixel Ultra Wide ကင်မရာမှ စွမ်းဆောင်ပေးထားသည်။ Galaxy A12 တွင်ပါဝင်သော 2-megapixel Macro ကင်မရာသည် သင်၏ အစားအသောက်ဓါတ်ပုံများအား စားချင်စဖွယ် အရောင်စုံလင်စွာနှင့် ကြည်လင်ပြတ်သားစွာ ဖမ်းယူနိုင်ရန် လုပ်ဆောင်ပေးနိုင်ပြီး တွဲဖက်ပါဝင်လာသော 2-megapixel Depth ကင်မရာသည်လည်း အရေးကြီးသည့် မြင်ကွင်းများကို မလွတ်တမ်း ဖမ်းယူပေးနိုင်မည် ဖြစ်သည်။ ထို့အပြင် 8-megapixel Selfie ကင်မရာအား အသုံးပြု၍လည်း သင်၏ ဓါတ်ပုံမှတ်တမ်းများအား ယုံကြည်မှု အပြည့်ဖြင့် ရိုက်ကူးသိမ်းဆည်းထား နိုင်မည် ဖြစ်သည်။ တစ်ချိန်တည်းမှာပင် Galaxy A02s တွင် စွမ်းဆောင်ရည်မြင့် ကျောဖက်ကင်မရာ သုံးလုံး (13-megapixel main ကင်မရာ၊ 2-megapixel Macro ကင်မရာ နှင့် 2-megapixel Depth ကင်မရာ) အား ထည့်သွင်းပေးထားပြီး ရှေ့ဖက်တွင် 5-megapixel selfie ကင်မရာအား ထည့်သွင်းပေးထားသည်။   လုံခြုံစိတ်ချမှု အပြည့်ဖြင့် အသုံးပြုနိုင်သည့် Galaxy A12 စမတ်ဖုန်း Galaxy A12 စမတ်ဖုန်းတွင် ၎င်း၏ ကိုယ်ပိုင် အဆင့်မြင့် လုံခြုံရေးစနစ် Samsung Knox အား ထည့်သွင်းပေးထား သည့် အတွက် သုံးစွဲသူများအနေနှင့် အက်ပလီကေးရှင်းများ၊ အချက်အလက်မျှဝေမှုများ အစရှိသည့် လုပ်ငန်းစဉ်များ အား စိတ်ကြိုက်ထိန်းချုပ် လုပ်ဆောင်သွားနိုင်မည် ဖြစ်သည်။ ကမ္ဘာတစ်ဝန်းရှိ Samsung သုံးစွဲသူပေါင်း ၁ သန်းကျော်၏ ကိုယ်ပိုင်အချက်အလက်များအား အပြည့်အဝ ကာကွယ် ပေးထားသည့် Samsung Knox လုံခြုံရေးစနစ်သည် Galaxy A12 သုံးစွဲသူများအား ဆိုက်ဘာတိုက်ခိုက်မှုများ၊ ဒေတာချိုးဖောက်ရယူမှုများနှင့် အခြားသော လုံခြုံရေးပိုင်း ဆိုင်ရာ ခြိမ်းခြောက်မှုများမှ ၂၄ / ၇ အပြည့်အဝ ကာကွယ် ပေးသွားမည် ဖြစ်သည်။   စတိုင်ကျနလှပသော ဒီဇိုင်းတည်ဆောက်ပုံ Galaxy A12 နှင့် Galaxy A02s စမတ်ဖုန်း ၂ မျိုးလုံးအား ပြေပြစ်သေသပ်သည့် haze နှင့် matte ဒီဇိုင်းဖြင့် ထုတ်လုပ်ထားသည့်အတွက် သုံးစွဲသူများ အနေနှင့် ကိုင်တွယ်အသုံးပြုရာတွင် စတိုင်ကျနလှပမှု အပြည့်အဝရှိစေမည် ဖြစ်သည်။ ထို့အပြင် ချေမွေ့တောက်ပသော ဘေးဘောင်များအား ထည့်သွင်းပေးထားပြီး စမတ်ဖုန်း၏ အထူအနေနှင့် Galaxy A12 အား ၈.၉ မီလီမီတာခန့်နှင့် Galaxy A02s အား ၉.၁ မီလီမီတာခန့် ပမာဏမျှသာ ရှိစေရန် တည်ဆောက်ထားသည့်အတွက် သုံးစွဲသူများ ကိုင်တွယ်အသုံးပြုရာတွင် အဆင်ပြေလွယ်ကူမှုနှင့် သက်တောင့် သက်သာရှိမှု အပြည့်အဝ ရရှိစေမည် ဖြစ်သည်။ Galaxy A12 စမတ်ဖုန်းအား မြန်မာနိုင်ငံဈေးကွက်တွင် ဇန်နဝါရီလ ၈ ရက်နေ့မှ စတင်၍ 4/128 GB အမျိုးအစားအား မြန်မာငွေကျပ် ၂၄၉,၀၀၀ ကျပ်နှင့် 6/128 GB အမျိုးအစားအား မြန်မာငွေကျပ် ၂၇၉,၀၀၀ ကျပ်များဖြင့် အသီးသီး ရောင်းချပေး လျက်ရှိပြီး အရောင်အားဖြင့် အပြာရောင်၊ အဖြူရောင် နှင့် အနက်ရောင် အရောင် ၃ မျိုးအနက် ရွေးချယ်ဝယ်ယူနိုင်မည် ဖြစ်သည်။   အလားတူပင် Galaxy A02s စမတ်ဖုန်းအား မြန်မာနိုင်ငံဈေးကွက်တွင် ဇန်နဝါရီလ ၁၆ ရက်နေ့မှ စတင်၍ မြန်မာငွေကျပ် ၁၈၉,၀၀၀ ကျပ်ဖြင့် ရောင်းချပေးသွားမည် ဖြစ်ကာ အရောင်အားဖြင့် အပြာရောင်၊ အဖြူရောင် နှင့် အနက်ရောင် အရောင် ၃ မျိုးအနက် ရွေးချယ်ဝယ်ယူသွားနိုင်မည် ဖြစ်သည်။   Samsung Galaxy A Series စမတ်ဖုန်း အသစ်များအား မြန်မာနိုင်ငံဈေးကွက်တွင် စတင်မိတ်ဆက်သည့် အထိမ်းအမှတ် အနေနှင့် Samsung Myanmar သည် ဆက်သွယ်ရေးအော်ပရေတာတစ်ခုဖြစ်သည့် Mytel နှင့် ပူးပေါင်း၍ ဝယ်ယူအားပေးသူများအတွက် ထပ်ဆောင်း အင်တာနက်အစီအစဉ်များနှင့် ဖုန်းခေါ်ဆိုခွင့်မိနစ်များကိုလည်း ပေးအပ်သွားမည် ဖြစ်သည်။ Galaxy A12 စမတ်ဖုန်းများအား ဝယ်ယူအားပေးသူများ အနေနှင့် 6 GB Mytel အင်တာနက် အစီအစဉ်နှင့် Mytel နံပါတ်အချင်းချင်း မိနစ် ၆၀၀ အခမဲ့ ဖုန်းခေါ်ဆိုနိုင်မည့် အစီအစဉ်များ (တစ်ကြိမ်သာ ခံစားခွင့်ရှိမည် ဖြစ်ပြီး ရက် ၆၀ အတွင်း အသုံးပြုသွားနိုင်မည်) အား ရရှိခံစားသွားနိုင်မည် ဖြစ်ကာ ၂၀၂၁ ခုနှစ်၊ ဇွန်လ ၃၀ ရက်နေ့ နောက်ဆုံးထား၍ အသုံးပြုသွားနိုင်မည် ဖြစ်သည်။ အလားတူပင် Galaxy A02s စမတ်ဖုန်းများအား ဝယ်ယူအားပေးသူများ အနေနှင့် 4 GB Mytel အင်တာနက် အစီအစဉ်နှင့် Mytel နံပါတ်အချင်းချင်း မိနစ် ၄၀၀ အခမဲ့ ဖုန်းခေါ်ဆိုနိုင်မည့် အစီအစဉ်များ (တစ်ကြိမ်သာ ခံစားခွင့်ရှိမည် ဖြစ်ပြီး ရက် ၆၀ အတွင်း အသုံးပြုသွားနိုင်မည်) အား ရရှိခံစားသွားနိုင်မည် ဖြစ်ကာ ၂၀၂၁ ခုနှစ်၊ ဇွန်လ ၃၀ ရက်နေ့ နောက်ဆုံးထား၍ အသုံးပြုသွားနိုင်မည် ဖြစ်သည် ထို့အပြင် Samsung သည် Galaxy A12 နှင့် Galaxy A02s စမတ်ဖုန်းများအား ဝယ်ယူအားပေးသူများအတွက် No Worry Crack ဝန်ဆောင်မှုကိုလည်း ပေးအပ်ထားပြီး အဆိုပါ ဝန်ဆောင်မှုအရ ဝယ်ယူသည့်နေ့မှစ၍ ၂၀၂၁ ခုနှစ်၊ ဒီဇင်ဘာလ ၃၁ ရက်နေ့အထိ ကာလအတွင်း မတော်တဆ ဖြစ်ရပ်များကြောင့် ဖုန်းမျက်နှာပြင် အရှေ့ ထိခိုက်ပျက်စီးခြင်းအတွက် ပြန်လည် ပြုပြင်ရာတွင် ၅၀% လျှော့ဈေးဖြင့် မှန်လဲလှယ်ခွင့် တစ်ကြိမ်အား ရရှိခံစား သွားနိုင်မည် ဖြစ်သည်။
Sunday, 10 January 2021 21:19

အင်တာနက်ဂျာနယ်မှ IJ Marketplace ကို မိတ်ဆက်

လုပ်ငန်းဝန်ဆောင်မှုများကို အချိန်နှင့်တစ်ပြေးညီ ကိုယ်တိုင်ပြင်ဆင်ဖော်ပြနိုင်မည့် Directory ပုံစံဝက်ဘ်ဆိုက်
Friday, 08 January 2021 18:29

ဆုလက်ဆောင်များရယူနိုင်မည့် ‘MyLatSaung’ ဂိမ်းအား MytelPay အက်ပလီကေးရှင်းတွင် ထည့်သွင်း

ငွေလွှဲဝန်ဆောင်မှုဖြစ်သော MytelPay သည် ခရစ္စမတ်နှင့် နှစ်သစ်ကူးကာလတွင် အသုံးပြုသူများကို ကျေးဇူးတုံ့ပြန်သည့်အနေဖြင့်
Friday, 08 January 2021 16:43

KBZPay ၏ 7 Million Celebration အစီအစဉ်ကြီးရဲ့ ၁၀ သိန်းကျပ် ပထမဆုံးကံထူးရှင်ပေါ်ထွက်လာပါပြီ

၇ ရက် ၇ ယောက် ၇ သန်း (7 Million Celebration) Campaign ကို ၂၀၂၁ ခုနှစ် ဇန်နဝါရီလ (၇) ရက်နေ့မှ ကံစမ်းမဲကာလကတော့ ၂၀၂၁ ခုနှစ် ဇန်နဝါရီလ (၁၃) ရက်နေ့အထိဖြစ်ပါတယ်။
Thursday, 07 January 2021 18:19

၂၀၂၀ ပြည့်နှစ်အတွက် လူကြိုက်အများဆုံး JOOX 2020 Popular Song Award ရရှိသည့် သီချင်း (၁၀) ပုဒ်ကို ထုတ်ပြန်ကြေညာ

JOOX မှ ၂၀၂၀ ပြည့်နှစ်အတွင်း မဲအများဆုံးရရှိခဲ့ကြသည့် ရေပန်းအစားဆုံး JOOX 2020 Popular Song Award ရရှိသွားသော တေးသီချင်း (၁၀) ပုဒ်၏ အမည်များကို ဇန်နဝါရီလ ၆ ရက်နေ့က JOOX Myanmar Facebook Page တွင် တရားဝင်ထုတ်ပြန်ကြေညာခဲ့သည်။
Thursday, 07 January 2021 18:15

Mytel မှ ခရစ္စမတ်အထူးကံစမ်းမဲအစီအစဉ်၏ iPhone 12 ကံထူးရှင်များကို ထုတ်ပြန်ကြေညာ

မြန်မာနိုင်ငံ၏ ဂရုအစိုက်ဆုံး အော်ပရေတာ Mytel သည် ခရစ္စမတ်ကာလတွင် သုံးစွဲသူများကို ကျေးဇူးတုံ့ပြန်သည့် အနေဖြင့် “Merry Christmas” ကံစမ်းမဲ အစီအစဉ်ကို Mytel Myanmar လူမှုစာမျက်နှာတွင် ဒီဇင်ဘာ ၂၅ ရက်နေ့မှ ၂၇ ရက်နေ့အထိ တိုက်ရိုက်ထုတ်လွှင့်ကာ ကံထူးရှင် များကို ရွေးချယ်ပေးခဲ့ပါသည်။
Thursday, 07 January 2021 17:39

iPad Pro 2021မှာ Mini LED screen ပါနိုင်မလား?

ကမ္ဘာကျော်ဖုန်းကုမ္ပဏီတစ်ခုဖြစ်တဲ့ Apple ကတော့ သူ့ရဲ့နောက်ထွက်မယ့် iPad model တွေမှာ screen နဲ့ပတ်သက်ပြီး upgrading လုပ်သွားဖို့ စိုင်းပြင်းလာပါတယ်။
Thursday, 07 January 2021 17:15

Ooredoo ကမ္ဘာ့ကွန်ရက် Ericsson ၏ 5G နည်းပညာ သုံးစွဲမည်

Ooredoo က မြန်မာအပါအဝင် ၁၀ နိုင်ငံရှိ လက်အောက်ခံကုမ္ပဏီများအတွက် Ericsson နှင့် ငါးနှစ်သက်တမ်းရှိ စာချုပ်ချုပ်ဆိုလိုက်သည်။
Thursday, 07 January 2021 15:44

စည်းမျဉ်းချိုးဖောက်သည်ဟုဆိုကာ ဒေါ်နယ်ထရမ့်၏ Facebook နှင့် twitter အကောင့် ယာယီ ဖယ်ရှားခံရ

Facebook နှင့် Twitter လူမှုကွန်ရက် နှစ်ခုစလုံးက အမေရိကန်နိုင်ငံ သမ္မတဒေါ်နယ်ထရမ့်၏ အကောင့်မှ ပို့စ်များကို ဖယ်ရှားလိုက်ကြောင်း နှင့် ရွေးကောက်ပွဲနှင့်ပတ်သက်၍ အမေရိကန်နိုင်ငံ Capitol လွှတ်တော်အဆောက်အဦအား ဆန္ဒပြသမားများ ဝင်ရောက်စီးနင်းမှုကို ထရမ့်က ၎င်း၏ အကောင့်မှတစ်ဆင့် ဆက်ကာဆက်ကာ ဖော်ပြနေသဖြင့် ထိုသို့ဆိုင်းငံ့ဖယ်ရှားခံရခြင်းဖြစ်ကြောင်း သိရသည်။

Search Articles