'Flex G' နှင့် 'Flex S' တို့ကို Samsung ကုန်အမှတ်တံဆိပ် မှတ်ပုံတင်

vivo သည် နောက်ဆုံးပေါ် အရောင်ပြောင်းလဲနောက်ကျောမှန် ဒီဇိုင်း နှင့် အဆင့်မြင့်စွမ်းဆောင်ရည် ပါဝင်သော V25 5G နှင့် V25e အား တရားဝင်မိတ်ဆက်ရက် ကြေညာ   - V25 5G နှင့် V25e အား မြန်မာနိုင်ငံတွင် စက်တင်ဘာလ ၁၆ ရက်နေ့ တွင် မိတ်ဆက်တော့မည်ဖြစ်ပါသည်။ - V25 Series သည် ဆန်းသစ်တီထွင်မှုများနှင့် အလှတရားများအတွက် ထိပ်တန်းအရောင်ပြောင်းလဲနောက်ကျောမှန် ပါဝင်ကာ သုံးစွဲသူများ၏ ဒီဇိုင်းပိုင်းလိုအပ်ချက်အား ဖြည့်ဆည်းပေးထားပါတယ်။   ဈေးကွက်ရှေ့ဆောင် နည်းပညာ အမှတ်တံဆိပ်တစ်ခုဖြစ်သည့် vivo သည် နောက်ဆုံးထွက်ရှိမည့်  V25 5G နှင့် V25e စမတ်ဖုန်းများအား တရားဝင်မိတ်ဆက်မည့်ရက် ကြေညာလိုက်ပါသည်။ V Series ၏ နောက်ဆက်တွဲဖြစ်သော V25 5G နှင့် V25e စမတ်ဖုန်းများ သည် ခမ်းနားထည်ဝါ  သွက်လက်ပေါ့ပါးသော အသွင်ပြင်၊ အားပြင်းသောစွမ်းဆောင်ရည်နှင့် အဆင့်မြှင့်တင်ထားသော သုံးစွဲသူဘက်စုံအတွေ့အကြုံ အား တစ်ကျော့ပြန်  ယူဆောင်လာမှာဖြစ်ပါသည်။ မကြာခင်မှာ အားလုံးစောင့်မျှော်နေကြသော V25 5G နှင့် V25e အား မြန်မာနိုင်ငံရှိ သုံးစွဲသူအားလုံးအတွက် ‌‌ရောက်ရှိလာတော့မှာဖြစ်ပါသည်။             V25 5G နှင့် V25e တွင် စမတ်ဖုန်းအား နေရောင်တိုက်ရိုက်ထိတွေ့သည့်အခါ အရောင်ပြောင်းလဲနိုင်သည့် ဆန်းသစ်သော အရောင်ပြောင်းလဲခြင်း Glass နည်းပညာပါဝင်သည့် အပြင်  စမတ်ဖုန်းနှစ်မျိုးလုံးတွင် အသုံးပြုထားသော Fluorite AG Glass သည် ကြယ်များကဲ့သို့တောက်ပသေးငယ်သော ဖန်သားမျက်နှာပြင်အား  ဖန်တီးရန်အတွက် မော်လီကျူးနည်းပညာကိုအသုံးပြုပြီး စက်၏ အလုံးစုံအသွင်အပြင်နှင့် အလှတရားကို မြှင့်တင်ပေးထားသော နည်းပညာတစ်ခုဖြစ်ပါသည်။ V25 စမတ်ဖုန်းများသည် သပ်ရပ်သော ဘေးဘောင်ဖရိန်ကြောင့် အသုံးပြုသူများအတွက်  ပါးလွှာစတိုင်လ်ကျ ပြီး လှပကျော့ရှင်းခေတ်မီသော စမတ်ဖုန်းတစ်လုံးဖြစ်လာမှာသေချာနေပါသည်။   V25 5G နှင့် V25e သည် V စီးရီး၏ ဆက်ခံသူများအနေဖြင့် သုံးစွဲသူများအား ရှင်းလင်းပြတ်သားသော ဓာတ်ပုံလက်ရာများ ဖန်တီးနိုင်စေမည့် ပြောင်မြောက်သော ကင်မရာစွမ်းရည်အများပြား ထည့်သွင်းထားပါသည်။ V25 5G တွင် 64MP OIS Ultra Sensing Rear Camera ပါရှိပြီး တုန်ခါမှုကြောင့် ဖြစ်ပေါ်လာသော မှုန်ဝါးသောပုံထွက်များကို လျှော့ချနိုင်သလို အလင်းအမှောင်ကိုလည်း ချိန်ဆနိုင်မှာဖြစ်ပါသည်။ ဒါ့အပြင် V25 5G အရှေ့ကင်မရာတွင် 50 MP AF HD Portrait ပါရှိလို့ အကောင်းဆုံး Selfie အတွေ့အကြုံကို ဖော်ဆောင်နိုင်ပါသည်။ V25e တွင်လည်း 32MP FF Front Camera ပါရှိပြီး သုံးစွဲသူများအား အကောင်းဆုံးအဆင့်မြင့်ဓာတ်ပုံနည်းပညာကို ပေးဆောင်ပါသည်။ စွမ်းဆောင်ရည်ပိုင်းတွင်လည်း စမတ်ဖုန်းနှစ်မျိုးလုံးတွင် အားကောင်းသည့် ပရိုဆက်ဆာများအဖြစ် V25 5G အတွက် 6nm 5G processor D900 နှင့် V25e အတွက် 6nm processor G99 တို့ပါရှိသည်။ V25 စမတ်ဖုန်းများတွင် 44W FlashCharge + 4500mAh  Battery ပေါင်းစပ်ပါဝင်မှုကြောင့် သုံးစွဲသူများအတွက် ဖုန်းအားကြာရှည်အသုံးခံမှု အားပံပိုးပေးထားပါသည်။ ထို့အပြင် ချောမွေ့သော သုံးစွဲသူအတွေ့အကြုံကိုရရှိစေရန် V25 စမတ်ဖုန်းများ တွင် လိုအပ်သည့်အခါတိုင်း 8GB အပို RAM ပေးဆောင်နိုင်သည့် Extended RAM 3.0 + 8GB အား လည်း ထပ်ဆောင်းပံ့ပိုးပေးထားပါသည်။   မကြာမီ မိတ်ဆက်တော့မည့် ထုတ်ကုန်နှင့်ပတ်သက်ပြီး ပြောကြားရာတွင် vivo Myanmar ၏ CEO ဖြစ်သည့် Mr. Nelson Ni မှ "vivo သည် ဓာတ်ပုံပညာကို ဗဟိုပြုထုတ်လုပ်သော အမှတ်တံဆိပ်တစ်ခုဖြစ်ပါတယ်။ V25 စမတ်ဖုန်းများမှာ သုံးစွဲသူအတွက် နောက်ဆုံးပေါ် ကင်မရာနှင့် ပုံရိပ်ဖော်နည်းပညာကို ပေးဆောင်ထားတာကြောင့်  vivo အတွက် မျှော်မှန်းထားတဲ့လမ်းကြောင်းမှန်ပေါ်  ရောက်ရှိနေတယ်ဆိုတာကို သက်သေပြလို့ရပါတယ်။ V25 5G နှင့် V25e စမတ်ဖုန်း နှစ်ခုလုံးတွင် ပရိတ်သတ်များ အလွန်နှစ်သက်သဘောကျခဲ့သည့် V Series ရဲ့  အကောင်းဆုံးသောအင်္ဂါရပ်များ နှင့် ဘက်စုံအတွေ့အကြုံများကို ပြန်လည်အသက်သွင်းပေးထားပါတယ်။ အခု V25 5G နှင့် V25e မှတစ်ဆင့် V23 series ကဲ့သို့  ဒေသအနှံ့တွင် အောင်မြင်မှုများစွာ ရရှိဖို့  vivo မှာ အသင့်ဖြစ်နေပါပြီ။" ဟုပြောကြားခဲ့ပါသည်။       vivo မှ  အားလုံးစောင့်မျှော်နေကြသော vivo V25 5G | V25e အား “ The Gorgeous Show” ခေါင်းစဉ် နှင့် လာမည့် ၁၆ရက်နေ့ သောကြာနေ့ ညနေ ၇ နာရီ တွင် vivo Myanmar Official Facebook page နှင့် vivo Myanmar Youtube Channel တွင် တိုက်ရိုက်ထုတ်လွင့်မိတ်ဆက်သွားမည် ဖြစ်ကြောင်း ကြေညာအပ်ပါသည်။ vivoအကြောင်း   vivo သည် စမတ်ဖုန်းလောက၏ ဆန်းသစ်တီထွင်မှုနှင့် အသိဉာဏ်ရှိသော စွမ်းဆောင်မှုများကို စီးပွားရေး ဝန်ဆောင်မှုများကို အဓိကဦးဆောင်လမ်းဖောက်နေသည့် နည်းပညာကုမ္ပဏီတစ်ခုဖြစ်သည်။ vivo သည် သုံးစွဲသူများနှင့် ဒစ်ဂျစ်တယ် ကမ္ဘာအကြား တံတားသဖွယ် ဆောင်ရွက်ပေးမည့် နည်းပညာကို ပေးစွမ်းနိုင်ရန် ရည်ရွယ်သည်။ vivo ၏ ဆန်းသစ် တီထွင်မှုများမှတစ်ဆင့် သုံးစွဲသူများအတွက် အဆင်ပြေစေမည့် မိုဘိုင်းနှင့် ဒစ်ဂျစ်တယ် လူနေမှုပုံစံကို ပေးစွမ်းနိုင်ခဲ့သည်။ Benfen*၊ ဆန်းသစ်တီထွင်မှု၊ အသုံးပြုသူများအား အလေးထားခြင်း၊ စဉ်ဆက်မပြတ် လေ့လာမှုနှင့် အသင်းအဖွဲ့ စိတ်ဓာတ်များသည် ကုမ္ပဏီ၏ အဓိကအလေးထားလိုက်နာရသည့် အချက်များဖြစ်ပြီး vivo သည် ရေရှည် တည်တံ့ခိုင်မြဲသည့် ဗဟာဗျူဟာကို အကောင်အထည်ဖော်ပြီး ကမ္ဘာ့အဆင့်မီ စီးပွားရေးလုပ်ငန်းတစ်ခုဖြစ်သည်။ အကောင်းဆုံးသော ဒေသခံမှ ကျွမ်းကျင်သူအသစ်များကို အမြဲမပြတ် ရှာဖွေရင်း vivo သည် စားသုံးသူများအတွက် 5G၊ Artificial intelligence၊ စက်မှုဒီဇိုင်း၊ ကင်မရာ စသည့် နည်းပညာအပါအဝင် အသစ်သစ်သော ခေတ်မီဆန်းသစ်သည့် နည်းပညာများစွာကို တီထွင်နိုင်ရန်အတွက် Shenzhen၊ Dongguan၊ Nanjing၊ Beijing၊ Hangzhou၊ Shanghai၊ Xi’an၊ Taipei၊ Tokyo နှင့် San Diego ဒေသရှိ သုတေသန ဖွံ့ဖြိုးရေးစင်တာ ၁၀ ခုနှင့် ဖွဲ့စည်းထားသည်။ တရုတ်၊ တောင်နှင့် အရှေ့တောင်အာရှများနှင့် အခြားဒေသများတွင် နှစ်စဉ် စမတ်ဖုန်း သန်း (၂၀၀) ကျော် ထုတ်လုပ်သည့် ထုတ်လုပ်ရေးဌာန ၇ ခု (ကုန်အမှတ်တံဆိပ် ခွင့်ပြုထားသော ကုန်ထုတ်လုပ်မှုစင်တာအပါအ၀င်) ကို တည်ထောင်ခဲ့သည်။ ယခုအချိန်တွင် vivo သည် နိုင်ငံနှင့် ဒေသပေါင်း ၅၀ ကျော်တွင် ၎င်း၏ ရောင်းအားကွန်ယက်ကို ချဲ့ထွင်နိုင်ခဲ့ပြီး ကမ္ဘာတစ်ဝှမ်းတွင် သုံးစွဲသူသန်း ၄၀၀ ကျော် ရှိနေပြီဖြစ်သည်။   *"Benfen" သည် မှန်ကန်သောအရာများကို လုပ်ဆောင်ခြင်းနှင့် မှန်ကန်စွာလုပ်ဆောင်ခြင်းဟူသည့် သဘောထားကို ဖော်ပြသည့် အသုံးအနှုန်းဖြစ်ပြီး ကောင်းမွန်သည့် နည်းပညာများကို တီထွင်မည်ဆိုသည့် vivo ၏ ခံယူချက်ကို အကောင်းဆုံး ဖော်ပြသည့် အသုံးအနှုန်းဖြစ်သည်။ vivo ၏ နောက်ဆုံးသတင်းများကို https://www.vivo.com/en/about-vivo/news   တွင် ဖတ်ရှုနိုင်သည်။ Source vivo #MyanmarICTGuide   Telegram Channel https://t.me/Guid4U