Ooredoo က ကမ္ဘာ့ ပထမဆုံး 5G ရတဲ့ မောင်းသူမဲ့ မိုးပျံတက္ကစီကို MWC 2019 မှာ မိတ်ဆက် ပြသ

Ooredoo က ကမ္ဘာ့ ပထမဆုံး 5G ရတဲ့ မောင်းသူမဲ့ မိုးပျံတက္ကစီကို MWC 2019 မှာ မိတ်ဆက် ပြသ google

ပီးခဲ့တဲ့နှစ်က ကာတာမှာ ကမ္ဘာ့ပထမဆုံး commercial 5G ကွန်ရက်ကို စတင်ခဲ့တဲ့

Ooredoo Group ဟာ MWC 2019 မှာတော့ 5G ကွန်ရက်ချိတ်ဆက်မှုနဲ့ အလိုအလျောက်မောင်း ဒရုန်းယာဉ်ပျံတစ်မျိုးကို မိတ်ဆက်ပြသခဲ့ပါတယ်။

MWC 2019 ပထမနေ့ မှာ သရုပ်ပြခဲ့တဲ့ ဒီယာဉ်ဟာ VR လို့ ခေါ်တဲ့ ကွန်ပျူတာပုံရိပ်ဖော်နည်းပညာအကူနဲ့ ကာတာနိုင်ငံ ဒိုဟာမြို့ ကို virtual ပျံသန်းပြခဲ့ပါတယ်။ ဒါဟာ 5G အနေနဲ့ နောက်ပိုင်း လူ့ အသိုင်းအဝိုင်းကို ဘယ်လို ပုံစံပြောင်းနိုင်မလဲဆိုတဲ့ ဥပမာတစ်ခုလည်း ဖြစ်ပါတယ်။ ဒီဇိုင်းအနေနဲ့ ရဟတ်ယာဉ်တစ်စီးကို ဒလက် ၈ ခုတပ်ထားတဲ့ ဒရုန်းဒီဇိုင်းမျိုး ဖြစ်ပါတယ်။

 

မောင်းသူမဲ့ 5G မိုးပျံယာဉ်အနေနဲ့ ဒီဒရုန်းဟာ ဒီဇိုင်းပိုင်းမှာ ခေတ်ရှေ့ ပြေးယာဉ်ဒီဇိုင်းဖြစ်ရုံတင်မဟုတ်ဘဲ အင်တာနက်ချိတ်ဆက်မှုမြန်နှုန်းကို မြှင့်ပြီး လိုင်းဆွဲအား ကြန့် ကြာမှုကို လျှော့ချပေးနိုင်မယ့် 5G နဲ့ လာတာ ဖြစ်ပါတယ်။ ပွဲကို တက်ရောက်လာသူတွေထဲကလည်း တစ်ချို့ ဟာ ဒီယာဉ်ထဲ ဝင်ထိုင်ပြီး 5G ရဲ့ VR အတွေ့ အကြုံနဲ့ ဒိုဟာကို ပျံသန်းမှုတွေ လက်တွေ့ လုပ်ဆောင်ခဲ့ပါတယ်။

ဒီပွဲမှာ Ooredoo Group ရဲ့ CEO ရှိတ်ခ်ဆော်ဘင် နက်ဆာအယ်တန်နီက "၂၀၁၈ ကစပြီး ကမ္ဘာ့ပထမဆုံး 5G commercial ဖြန့် ချိဖို့ အသင့်ဖြစ်နေတဲ့ ကုမ္ပဏီအနေနဲ့ ကျွန်တော်တို့ ဟာ ကမ္ဘာမှာ 5G နည်းပညာဦးဆောင် ကုမ္ပဏီ ဖြစ်လာခဲ့ပါတယ်။ " လို့ ဆိုပါတယ်။ "5G နဲ့ စမတ်မြို့ တော်ဆိုင်ရာ app တွေမှာ ကာတာရဲ့ ဦးဆောင်မှုကို ကျွန်တော်တို့ ဂုဏ်ယူသလို Intelligent Connectivity လို့ ခေါင်းစီးတပ်ထားတဲ့ MWC 2019 ပွဲကြီးမှာ ခေတ်ရှေ့ ပြေးနည်းပညာဝန်ဆောင်မှုတွေ ပြသနိုင်လို့ လည်း ဂုဏ်ယူမိပါတယ်"

Ooredoo ဟာ 5G နိုင်ငံတကာဖုန်းခေါ်ဆိုမှုကို ပထမဆုံး လုပ်ဆောင်ခဲ့တဲ့ တယ်လီကွန်းကုမ္ပဏီတွေထဲမှာ ပါဝင်ပြီး လက်ရှိ ကာတာမှာ Live 5G လွှင့်နေတဲ့ နေရာ ၁၀၀ ကျော် ရှိနေပြီလို့ ဆိုပါတယ်။ ၂၀၁၈ ထဲမှာပဲ Ooredoo ဟာ အင်ဒိုနီးရှား ၊ ကူဝိတ် နဲ့ မော်လ်ဒိုက်တို့ မှာ 5G စမ်းသပ်မှုတွေ လုပ်ဆောင်ခဲ့သလို မြန်မာပြည်မှာလည်း Nokia နဲ့ ပူးပေါင်းပြီး မြန်မာနိုင်ငံ ရန်ကုန်နည်းပညာတက္ကသိုလ် YTU မှာ 5G ဆက်သွယ်ရေးဆိုင်ရာ နည်းပညာစင်တာတစ်ခု ဖွင့်လှစ်ခဲ့ပါတယ်။

Ooredoo ဟာ MWC ပွဲမှာပဲ နည်းပညာအကူအညီနဲ့ ကလေးတွေရောက်နေတဲ့ နေရာကို စောင့်ကြည့်ခြင်း ၊ ဒရုန်းနဲ့ ဘောလုံးကွင်းလုံခြုံရေး ပေးခြင်း နဲ့ ၂၀၂၂ ကာတာမှာ ကျင်းပသွားမယ့် ကမ္ဘာ့ဖလားပွဲစဉ်မှာ ပွဲကို လာတဲ့ ပရိတ်သတ်တွေကို ကူညီပေးမယ့် ညာဏ်ရည်မြင့် ချိတ်ဆက်ရေးသုံး app တွေလည်း ပြသခဲ့ပါတယ်။

Source: Ooredoo

Read times
Rate this item
(0 votes)