ဈေးချို Nothing Lite Phone (1) ထုတ်လုပ်မယ့်သတင်း fake news ဟု Nothing ထူထောင်သူက အသိပေး

ဈေးချို Nothing Lite Phone (1) ထုတ်လုပ်မယ့်သတင်း fake news ဟု Nothing ထူထောင်သူက အသိပေး

 

နာမည်ကြီး ဝဘ်ဆိုဒ်တစ်ခုဖြစ်တဲ့ androidpolice ဝဘ်ဆိုက်မှာ မကြာသေးခင်ကမှ ကုမ္ပဏီရဲ့ ပထမဆုံးစမတ်ဖုန်း Nothing Phone (1) ကို ထုတ်လုပ်ခဲ့တဲ့ Nothing က ဈေးချိုတဲ့ Nothing Lite Phone (1) ထုတ်လုပ်တော့မယ်လို့ ဩဂုတ်လ ၁ ရက်မှာ သတင်းဖော်ပြခဲ့ပါတယ်။

ဩဂုတ်လ ၄ ရက်မှာ Nothing ကို ထူထောင်တဲ့ Carl Pie က သတင်းအတု fake news သာဖြစ်ကြောင်း ၎င်းရဲ့ Twitter အကောင့်မှာ ပို့စ်တင်ခဲ့ပါတယ်။

 

 

Nothing Lite Phone 1 ကို အစောဆုံးအနေဖြင့် အောက်တိုဘာလမှာ ဆောလျင်စွာ ထုတ်လုပ်လိမ့်မယ်။ အိန္ဒိယမှာ"ပွဲတော်ရာသီ" စတင်ချိန် ခါတော်မီ ထုတ်လုပ်မယ်လို့ သတင်းမှာ ဖော်ပြထားပါတယ်။

 အဆိုပါ သတင်းရင်းမြစ်ကို themobileindian မှ ရရှိကြောင်း androidpolice က ဖော်ပြထားပါတယ်။

themobileindian မှ တင်ပြထားတဲ့ သတင်းမှာ Nothing  Phone 1 နှင့်  Nothing Lite Phone 1 တို့အကြား အဓိကကွာခြားချက်မှာ Nothing  Phone 1 လိုပဲ Lite မှာလည်း ကျောဖုံးက ထွင်းဖောက်မြင် အကြည်သား ဖြစ်ပေမဲ့ အထဲမှာ Nothing  Phone 1 လိုမျိုး LED မီးပွင့်များဖြင့် သင်္ကေတ ဖော်ထားတဲ့ မီးလင်း Glyph ဂရပ်ဖစ် မပါဘူးလို့ ဆိုထားပါတယ်။

themobileindian က အဆိုပါ လုပ်ကြံသတင်းကို ဩဂုတ်လ ၁ ရက်မှာ တင်ခဲ့ပါတယ်။ androidpolice ကလည်း ဩဂုတ်လ ၁ ရက်မှာ အဆိုပါ လုပ်ကြံသတင်းကို ကိုးကားပြီး သတင်းတင်ပြခဲ့ပါတယ်။ စုံစမ်းမေးမြန်းခြင်း မပြုဘဲ တင်ပြတဲ့အတွက် androidpolice ပြစ်တင်ဝေဖန်ခံရပါတယ်။ Nothing ကွန်မြူနတီအတွက် ထားပေးတဲ့   Nothing - Discord server မှာ ဝင်ရောက်မေးမြန်း စုံစမ်းသင့်ကြောင်းလည်း အကြံပြုကြပါတယ်။

#MyanmarICTGuide 

 Telegram Channel https://t.me/Guid4U

Read times
Rate this item
(0 votes)